Aksara Sunda Lanjutan 3

Sampurasun

Dina materi kapungkur, hidep tos ngerjakeun tugas mindahkeun tina aksara laten kana aksara sunda. Mangga ditingali deui, ieu dihandap jawaban tina tugas kapungkur!

1. Nana tatanya ka bapana
2. Urang kudu ngajaga kabersihan
3. Coba pang ngélapkeun kaca jandéla
4. Gagara korona, urang diajar di imah
5. Kedap deui urang asup kana bulan ramadan
6. Umat muslim ngalaksanakeun ibadah puasa
7. Sasasih lamina urang ngajaga hawa napsu
8. Saparantos na urang tiasa ngarayakeun hari raya
9. Najan kitu ge tetep ngajaga jarak kusabab covid
10. Mugia ibadah na katarima ku gusti nu maha suci

|᮱|. ᮔᮔ ᮒᮒᮑ ᮊ ᮘᮕᮔ
|᮲|. ᮅᮛᮀ ᮊᮥᮓᮥ ᮍᮏᮌ ᮊᮘᮨᮁᮞᮤᮠᮔ᮪
|᮳|. ᮎᮧᮘ ᮕᮀ ᮍᮦᮜᮕ᮪ᮊᮩᮔ᮪ ᮊᮎ ᮏᮔ᮪ᮓᮦᮜ
|᮴|. ᮌᮌᮛ ᮊᮧᮛᮧᮔ, ᮅᮛᮀ ᮓᮤᮃᮏᮁ ᮓᮤ ᮄᮙᮂ
|᮵|. ᮊᮨᮓᮕ᮪ ᮓᮩᮄ ᮅᮛᮀ ᮃᮞᮥᮕ᮪ ᮊᮔ ᮘᮥᮜᮔ᮪ ᮛᮙᮓᮔ᮪
|᮶|. ᮅᮙᮒ᮪ ᮙᮥᮞᮣᮤᮙ᮪ ᮍᮜᮊ᮪ᮞᮔᮊᮩᮔ᮪ ᮄᮘᮓᮂ ᮕᮥᮃᮞ
|᮷|. ᮞᮞᮞᮤᮂ ᮜᮙᮤᮔ ᮅᮛᮀ ᮍᮏᮌ ᮠᮝ ᮔᮕ᮪ᮞᮥ
|᮸|. ᮞᮕᮛᮔ᮪ᮒᮧᮞ᮪ ᮔ ᮅᮛᮀ ᮒᮤᮃᮞ ᮍᮛᮚᮊᮩᮔ᮪ ᮠᮛᮤ ᮛᮚ
|᮹|. ᮔᮏᮔ᮪ ᮊᮤᮒᮥ ᮌᮨ ᮒᮨᮒᮨᮕ᮪ ᮍᮏᮌ ᮏᮛᮊ᮪ ᮊᮥᮞᮘᮘ᮪ ᮎᮧᮗᮤᮓ᮪
|᮱᮰|. ᮙᮥᮌᮤᮃ ᮄᮘᮓᮂ ᮔ ᮊᮒᮛᮤᮙ ᮊᮥ ᮌᮥᮞ᮪ᮒᮤ ᮔᮥ ᮙᮠ ᮞᮥᮎᮤ

Ayeuna coba baca aksara sunda dihandap, teras diserat dina buku tulis na, kirim hasil na sapertos biasa!


ᮃᮞᮜ᮪-ᮙᮥᮃᮞᮜ᮪ ᮍᮛᮔ᮪ ᮘᮧᮌᮧᮁ

ᮅᮕᮙ ᮅᮛᮀ ᮔᮤᮒᮦᮔᮔ᮪ ᮜᮙ᮪ᮘᮀ ᮊᮧᮒ ᮘᮧᮌᮧᮁ, ᮓᮤ ᮓᮤᮑ ᮃᮚ ᮌᮙ᮪ᮘᮁ ᮊᮥᮏᮀ ᮃᮔᮥ ᮍᮔ᮪ᮓᮥᮀ ᮠᮁᮒᮤ ᮚᮦᮔ᮪ ᮊᮧᮒ ᮘᮧᮌᮧᮁ ᮒᮦᮂ ᮙᮤᮔᮀᮊ ‘ᮘᮛᮀ ᮕᮥᮞᮊ’ ᮝᮛᮤᮞᮔ᮪ ᮊᮛᮥᮠᮥᮔ᮪. ᮔᮇᮔ᮪ ᮞᮘᮘ᮪ᮔ ᮕᮀᮔ ᮄᮉ ᮊᮧᮒ ᮓᮤᮞᮨᮘᮥᮒ᮪ ‘ᮘᮛᮀ ᮕᮥᮞᮊ’?

ᮜᮔ᮪ᮒᮛᮔ᮪ ᮘᮠᮩᮜ ᮓᮤ ᮄᮉ ᮒᮨᮙ᮪ᮕᮒ᮪ ᮊᮥᮀᮞᮤ ᮍᮓᮨᮌ᮪ ᮊᮛᮏᮃᮔ᮪ ᮕᮏᮏᮛᮔ᮪. ᮎᮤᮔ᮪ᮓᮨᮊ᮪ᮔ ᮓᮚᮩᮂ ᮘᮧᮌᮧᮁ ᮊᮤᮝᮛᮤ ᮒᮦᮂ ᮕᮒᮤᮜᮞᮔ᮪ ᮊᮛᮏᮃᮔ᮪ ᮞᮥᮔ᮪ᮓ ᮃᮔᮥ ᮊᮙᮞ᮪ᮠᮥᮁ, ᮑᮆᮒ ᮊᮛᮏᮃᮔ᮪ ᮕᮏᮏᮛᮔ᮪. ᮕᮏᮏᮛᮔ᮪ ᮎᮛᮨᮙ᮪ ᮓᮤᮔ ᮒᮅᮔ᮪ |᮱᮵᮷᮹| ᮞᮀᮌᮩᮞ᮪ ᮓᮤᮛᮥᮛᮥᮌ᮪ ᮊᮥ ᮕᮞᮥᮊᮔ᮪ ᮙᮅᮜᮔ ᮚᮥᮞᮥᮖ᮪ ᮒᮤ ᮘᮔ᮪ᮒᮨᮔ᮪.

ᮒᮤ ᮙᮔ ᮃᮞᮜ᮪-ᮙᮥᮃᮞᮜ᮪ᮔ ᮍᮛᮔ᮪ “ᮘᮧᮌᮧᮁ” ᮒᮦᮂ? ᮍᮛᮔ᮪ ᮠᮤᮏᮤ ᮒᮨᮙ᮪ᮕᮒ᮪ ᮄᮜᮠᮁᮔ ᮞᮧᮊ᮪ ᮓᮤᮓᮞᮛᮔ᮪ ᮊᮥ ᮃᮚᮔ ᮎᮤᮛᮤ ᮃᮒᮝ ᮊᮛᮊ᮪ᮒᮨᮁ ᮃᮔᮥ ᮠᮥᮞᮥᮞ᮪ ᮙᮤᮔᮀᮊ ᮕᮥᮔ᮪ᮏᮥᮜ᮪ᮔ ᮆᮒ ᮒᮨᮙ᮪ᮕᮒ᮪ ᮒᮤ ᮒᮨᮙ᮪ᮕᮒ᮪ ᮞᮨᮏᮨᮔ᮪ᮔ. ᮞᮌᮦᮓᮦᮍᮩᮔ᮪ ᮈᮒ ᮃᮚ ᮇᮌᮦ ᮃᮔᮥ ᮓᮥᮙᮞᮁ ᮊᮔ ᮊᮞᮀ ᮒᮥᮊᮀ ᮞᮏᮛᮂ ᮃᮒᮝ ᮕᮨᮁᮒᮤᮝ ᮃᮔᮥ ᮊᮥᮀᮞᮤ ᮊᮏᮓᮤᮃᮔ᮪. ᮃᮔᮥ ᮕᮥᮌᮥᮂ ᮍᮛ ᮠᮤᮏᮤ ᮒᮨᮙ᮪ᮕᮒ᮪ ᮒᮦᮂ ᮍᮔ᮪ᮓᮥᮀ ᮅᮔ᮪ᮞᮥᮁ ᮖᮤᮜᮧᮞᮧᮖᮤᮞ᮪ ᮃᮒᮝ ᮞᮤᮙ᮪ᮘᮧᮜᮤᮞ᮪ ᮃᮔᮥ ᮜᮥᮠᮥᮁ ᮃᮏᮨᮔ᮪ᮔ.

ᮑ ᮊᮤᮒᮥ ᮍᮛᮔ᮪ ᮘᮧᮌᮧᮁ ᮇᮌᮨ ᮃᮚ ᮞᮞᮛᮠ ᮕᮙᮓᮨᮌᮔ᮪ ᮕᮛ ᮃᮠᮣᮤ ᮃᮔᮥ ᮔᮦᮒᮦᮜᮊᮩᮔ᮪ ᮃᮞᮜ᮪-ᮙᮥᮃᮞᮜ᮪ ᮍᮛᮔ᮪ ᮘᮧᮌᮧᮁ ᮒᮦᮂ. ᮕᮙᮓᮨᮌᮔ᮪ ᮃᮔᮥ ᮊᮠᮤᮏᮤ ᮔᮨᮛᮀᮊᮩᮔ᮪ ᮚᮦᮔ᮪ ᮘᮧᮌᮧᮁ ᮒᮦᮂ ᮎᮨᮔᮂ ᮃᮞᮜ᮪ᮔ ᮒᮤᮔ “ᮘᮥᮄᮒᮨᮔ᮪ᮐᮧᮁᮌ᮪”, ᮑᮆᮒ ᮍᮛᮔ᮪ ᮛᮨᮞ᮪ᮙᮤ ᮓᮚᮩᮂ ᮘᮧᮌᮧᮁ ᮓᮤᮔ ᮙᮀᮞ ᮕᮨᮔ᮪ᮏᮏᮠᮔ᮪ ᮝᮜᮔ᮪ᮓ.

ᮘᮥᮄᮒᮨᮔ᮪ᮐᮧᮁᮌ᮪ ᮒᮦᮂ ᮘᮞ ᮝᮜᮔ᮪ᮓ ᮃᮔᮥ ᮠᮁᮒᮤᮔ “ᮒᮩ ᮃᮚ ᮅᮛᮥᮞᮔ᮪”. ᮕᮤᮊᮩᮔ᮪ ᮔᮤᮄᮞ᮪ᮊᮩᮔ᮪ ᮕᮤᮊᮤᮁ ᮒᮤᮔ ᮛᮥᮕ-ᮛᮥᮕ ᮅᮛᮥᮞᮔ᮪ ᮊᮕᮙᮛᮦᮔ᮪ᮒᮠᮔ᮪, ᮌᮥᮞ᮪ᮒᮃᮖ᮪ ᮝ᮪. ᮗᮔ᮪ ᮄᮙ᮪ᮠᮧᮖ᮪ᮖ᮪ ᮔᮥ ᮠᮛᮤᮒ ᮏᮓᮤ ᮌᮥᮘᮨᮁᮔᮥᮁ ᮏᮨᮔ᮪ᮓᮢᮜ᮪ ᮙᮨᮛᮨᮜᮥᮊᮩᮔ᮪ ᮒᮨᮙ᮪ᮕᮒ᮪ ᮃᮔᮥ ᮒᮤᮄᮞ᮪ ᮒᮤᮀᮒᮢᮤᮙ᮪, ᮏᮅᮂ ᮒᮤ ᮕᮥᮞᮒ᮪ ᮕᮙᮛᮦᮔ᮪ᮒᮠᮔ᮪ ᮘᮒᮗᮤᮃ. ᮑ ᮓᮤᮕᮤᮜᮤᮂ ᮠᮤᮏᮤ ᮒᮨᮙ᮪ᮕᮒ᮪ ᮃᮔᮥ ᮒᮥᮜᮥᮚ᮪ ᮓᮤᮍᮛᮔᮔ᮪ ᮘᮥᮄᮒᮨᮔ᮪ᮐᮧᮁᮌ᮪. ᮒᮤ ᮓᮤᮑ ᮞᮏᮛᮂ ᮆᮒ ᮍᮛᮔ᮪ ᮒᮦᮂ.

ᮎᮩᮊ᮪ ᮕᮙᮓᮨᮌᮔ᮪ ᮃᮔᮥ ᮒᮓᮤ, ᮘᮥᮄᮒᮨᮔ᮪ᮐᮧᮁᮌ᮪ ᮒᮦᮂ ᮓᮤᮅᮎᮕ᮪ᮊᮩᮔ᮪ ᮊᮥ ᮜᮦᮒᮂ ᮅᮛᮀ ᮞᮥᮔ᮪ᮓ ᮙᮂ ᮏᮓᮤ ᮘᮧᮌᮧᮁ. ᮄᮉ ᮕᮙᮓᮨᮌᮔ᮪ ᮒᮦᮂ ᮠᮨᮔ᮪ᮒᮩ ᮊᮒᮛᮤᮙ ᮊᮥ ᮘᮜᮛᮦᮃ, ᮊᮛᮞ ᮓᮤᮏᮤᮉᮔ᮪-ᮏᮤᮉᮔ᮪, ᮜᮔ᮪ᮒᮛᮔ᮪ ᮊᮨᮎᮕ᮪ ᮘᮥᮄᮒᮨᮔ᮪ᮐᮧᮁᮌ᮪ ᮏᮓᮤ ᮘᮧᮌᮧᮁ ᮒᮦᮂ ᮏᮅᮂ ᮒᮩᮄᮀ. ᮉᮊᮩᮁ ᮙᮂ ᮜᮦᮒᮂ ᮅᮛᮀ ᮞᮥᮔ᮪ᮓ ᮏᮙᮔ᮪ ᮠᮛᮤᮒ ᮌᮩᮞ᮪ ᮘᮤᮞ ᮍᮥᮎᮕ᮪ᮊᮩᮔ᮪ ᮞᮘᮘᮛᮠ ᮊᮨᮎᮕ᮪ ᮘᮞ ᮝᮜᮔ᮪ᮓ, ᮅᮕᮙᮔ ᮘᮆ ᮊᮨᮎᮕ᮪ ᮘᮥᮄᮒᮨᮔ᮪ᮐᮧᮁᮌ᮪ ᮏᮓᮤ “ᮘᮦᮒᮨᮔ᮪ᮞᮧᮛᮦᮂ”, ᮐᮤᮈᮊᮨᮔ᮪ᮠᮥᮄᮞ᮪ (ᮛᮥᮙᮂ ᮞᮊᮤᮒ᮪) ᮏᮓᮤ “ᮞᮤᮔ᮪ᮊᮨᮔ᮪ᮠᮨᮞ᮪”, ᮘᮧᮁᮌ᮪ (ᮏᮙᮤᮔᮔ᮪) ᮏᮓᮤ “ᮘᮧᮛᮨᮂ”, ᮏ᮪ᮞ᮪ᮘ᮪.

ᮕᮙᮓᮨᮌᮔ᮪ ᮃᮔᮥ ᮞᮔᮦᮞ᮪, ᮃᮔᮥ ᮜᮩᮝᮤᮂ ᮊᮠᮁᮒᮤ ᮞᮁᮒ ᮊᮒᮛᮤᮙ ᮊᮥ ᮘᮜᮛᮦᮃ, ᮑᮆᮒ ᮊᮨᮎᮕ᮪ “ᮘᮧᮌᮧᮁ” ᮒᮦᮂ ᮕᮤᮒᮥᮄᮔ᮪ ᮒᮤᮔ ᮘᮞ ᮞᮥᮔ᮪ᮓ, ᮠᮁᮒᮤᮔ ᮒᮥᮀᮌᮥᮜ᮪ ᮊᮝᮥᮀ. ᮄᮉ ᮕᮙᮓᮨᮌᮔ᮪ ᮓᮥᮙᮞᮁ ᮊᮔ ᮎᮛᮤᮒ ᮕᮔ᮪ᮒᮥᮔ᮪ “ᮍᮓᮨᮌ᮪ᮔ ᮓᮚᮩᮂ ᮕᮏᮏᮛᮔ᮪” ᮃᮔᮥ ᮓᮤᮎᮛᮤᮒᮊᮩᮔ᮪ ᮊᮥ ᮊᮤ ᮎᮤᮜᮧᮀ.

ᮒᮂ ᮓᮤ ᮓᮤᮑ, ᮊᮥ ᮃᮔ᮪ᮓᮤᮊ ᮃᮓᮨᮌ᮪ᮊᮩᮔ᮪ ᮆᮒ ᮓᮚᮩᮂ ᮜᮏᮥ ᮍᮛᮔᮔ᮪ ᮘᮧᮌᮧᮁ, ᮞᮘᮘ᮪ ᮘᮧᮌᮧᮁ ᮒᮦᮂ ᮠᮁᮒᮤᮔ ᮒᮥᮀᮌᮥᮜ᮪ ᮊᮝᮥᮀ. ᮃᮛᮤ ᮒᮥᮀᮌᮥᮜ᮪ ᮊᮝᮥᮀ ᮈᮙᮀ ᮌᮦᮂ ᮉᮝᮩᮂ ᮠᮁᮒᮤᮔ, ᮉᮝᮩᮂ ᮞᮧᮒᮦᮂ ᮎᮩᮊ᮪ ᮔᮥ ᮒᮩ ᮍᮁᮒᮤ. ᮓᮤᮔ ᮆᮒ ᮎᮛᮤᮒ ᮕᮔ᮪ᮒᮥᮔ᮪ ᮓᮤᮒᮨᮒᮨᮜᮊᮩᮔ᮪ ᮚᮦᮔ᮪ ᮒᮥᮀᮌᮥᮜ᮪ ᮊᮝᮥᮀ ᮒᮦᮂ ᮃᮚ ᮕᮥᮔ᮪ᮏᮥᮜ᮪ᮔ ᮒᮤ ᮔᮥ ᮞᮦᮏᮦᮔ᮪.

ᮜᮙᮥᮔ᮪ ᮓᮤᮏᮤᮉᮔ᮪ ᮒᮦᮒᮦᮀᮌᮦᮁ, ᮘᮤᮞ ᮊᮥᮃᮒ᮪ ᮙᮀᮕᮥᮜᮥᮂ-ᮕᮥᮜᮥᮂ ᮒᮅᮔ᮪. ᮜᮙᮥᮔ᮪ ᮊᮥ ᮅᮛᮀ ᮊᮓᮥᮕᮊ᮪ ᮃᮒᮝ ᮊᮒᮏᮧᮀ, ᮙᮒᮊ᮪ ᮘᮧᮠᮊ᮪ ᮞᮁᮒ ᮘᮧᮛᮧᮊ᮪ ᮘᮛᮤ ᮙᮧᮃᮜ᮪ ᮌᮩᮝᮒ᮪ ᮎᮌᮩᮁ. ᮏᮩᮀ ᮕᮧᮙ ᮎᮨᮔᮂ ᮒᮥᮀᮌᮥᮜ᮪ ᮊᮝᮥᮀ ᮙᮂ ᮅᮜᮂ ᮓᮤᮕᮊᮦ ᮊᮦᮊᮦᮞᮦᮓ᮪, ᮕᮙᮜᮤ ᮙᮒᮊ᮪ ᮎᮤᮜᮊ.

ᮎᮤᮔ᮪ᮓᮨᮊ᮪ᮔ ᮍᮛᮔ᮪ “ᮘᮧᮌᮧᮁ” ᮔᮥ ᮠᮁᮒᮤᮔ ᮒᮥᮀᮌᮥᮜ᮪ ᮊᮝᮥᮀ ᮒᮦᮂ ᮍᮔ᮪ᮓᮥᮀ ᮞᮤᮜᮧᮊ ᮃᮔᮥ ᮊᮥᮓᮥ ᮓᮤᮞᮥᮛᮠᮔ᮪ ᮊᮥ ᮅᮛᮀ ᮃᮔᮥ ᮠᮤᮛᮥᮕ᮪ ᮓᮤ ᮃᮜᮙ᮪ ᮊᮤᮝᮛᮤ. ᮅᮛᮀ ᮞᮥᮔ᮪ᮓ ᮒᮦᮂ ᮊᮥᮓᮥ ᮊᮝᮞ᮪ ᮒᮥᮀᮌᮥᮜ᮪ ᮊᮝᮥᮀ, ᮊᮥᮓᮥ ᮊᮥᮃᮒ᮪ ᮞᮁᮒ ᮅᮜᮂ ‘ᮊᮒᮤᮔ᮪ᮎᮊ᮪’ ᮊᮥ ᮓᮩᮍᮩᮔ᮪.

Sakali deui kanggo tugas na ayeuna mangga tarjamahkeun eta aksara sunda kana aksara latén, serat dina buku tulis na teras dipoto kirim sapertos biasana. Wa saperluna teu kedah make emotikon sagalarupa, Tugas sareng absen cekap dugi tabuh 18:00 sonten, haturnuhun.

Kanggo nu teu tiasa muka di luhur iyeu gambar na mangga titenan ku hidep